यस्तो छ सरकारी कर्मचारीको बढेपछिको मासिक तलव (सूचीसहित) साउनदेखि लागू

शेयर गर्नुहोला

काठमाडौँ । सरकारले सबै कर्मचारीको तलब २ हजार रूपैयाँ बढाएको छ ।कर्मचारीको दर्जा अनुसार प्रतिशतले तलब बढाइने गरेकोमा यसपटक कार्यालय सहयोगीदेखि मुख्य सचिवसम्मको तलव समान २ हजार रुपैयाँ बढाइएको हो ।

बजेट भाषण गर्दै अर्थमन्त्री बिष्णु पौडेलले तलबमानमा अपेक्षा गरे अनुसार वृद्वि गर्ने अनुकुल परिस्थिती नभए पनि मनोबल उच्च बनाउन सबै कर्मचारिको तलव २ हजार रूपैयाँले बढाएको बताएका छन् ।बढेको तलब २०७८ साउन १ गतेदेखि लागू हुनेछ ।सबैको तलव दुई हजार रूपैयाँले बढाइएपछि सबै कर्मचारीको साविकको तलबमा दुई हजार रूपैयाँ थपिएको छ । यो तलब साउनदेखि कार्यान्वयनमा आउनेछ ।बढेको तलब अनुसार अब मुख्यसचिवको ६७ हजार १४० रूपैयाँ पुगेको छ ।

यस्तै सचिवको ६२ हजार ६८०, सहसचिवको ४९ हजार ३८०, उपसचिवको ४२ हजार ३८०, अधिकृतको ३७ हजार ९९०, सुब्बाको ३० हजार २००, खरिदारको २८ हजार ६१० र कार्यालय सहयोगीको २४ हजार १० पुगेको छ ।

पछाडि पोस्टसुनसरीमा १६५ केजी गाँजा सहित एक जना पक्राउ
अगाडि पोस्टसप्तरीका अति गरिब, विपन्न, दैनिक ज्यालादारी र एकल परिवारको सहारा बनेकी सुनिता साह